Azərbaycanın Rumıniyadakı fövqəladə və səlahiyyətli səfiri Fərid Abdinbəyov 2017-ci il fevralın 26-da Xocalı faciəsi ilə bağlı səfirlikdə təşkil olunan tədbirdə doğrudan da iştirak etməyib.
Azərbaycanın Rumıniyadakı fövqəladə və səlahiyyətli səfiri Fərid Abdinbəyov 2017-ci il fevralın 26-da Xocalı faciəsi ilə bağlı səfirlikdə təşkil olunan tədbirdə doğrudan da iştirak etməyib.
Bu sözləri Azərbaycanın Rumıniyadakı səfirliyinin konsulluq məsələləri üzrə ikinci katibi Ramiz Cəfərov Axar.az-a səfirin qəzaya düşməsi barədə xəbərə münasibət bildirərkən deyib. O, səfirin tədbirdə iştirak etmədiyini təsdiq etsə də, səbəbin qəza ilə bağlı olmadığını bildirib.
Səfirin tədbirə qatılmamasının səbəbini isə açıqlamayıb.
Qeyd edək ki, Aztodey.az saytı səfir Fərid Abdinbəyovun fevralın 25-də Rumıniyanın Vaslui şəhərində yol qəzasına düşdüyünü, xəsarət aldığını və buna görə də Xocalının 25-ci ildönümü ilə bağlı təşkil olunmuş tədbirdə iştirak edə bilmədiyini yazıb.
