Bir çoxumuz xəstələnəndə bitki mənşəli üsullara müraciət edirik. Lakin bu üsullar diqqətsiz istifadə edildikdə böyrəyinizə zərər verə bilər. Nefrologiya Mütəxəssisi Prof. Dr. Mehmet Şükrü Sever bütün bu risklərə qarşı əhəmiyyətli xəbərdarlıqlar etdi.
Tribunainfo.az Milliyet-ə istinadən xəbər verir ki,müxtəlif xəstəliklərin dərmanı olduğu düşünülən herbalistlərdən əldə edilən bitki mənşəli məhsullar nəzarətsiz istehlak edildikdə bir çox təhlükələrə səbəb ola bilər.
Mütəxəssisi Prof. Dr. Mehmet Şükrü Sever dünya əhalisinin 75 faizinin dərman kimi bitki mənşəli məhsullardan istifadə etdiyini bildirib.
Sever, “Bitki mənşəli dərmanlar başqa şeydir, dərman üçün bitkilərdən istifadə başqa şeydir. Bitki mənşəli dərmanlarda satılan, tərkibində naməlum olan təsadüfi məhsullar xüsusilə böyrəklər üçün həyati təhlükəli nəticələrə səbəb ola bilər” dedi.
Professor bildirib ki, ağrıkəsici kimi istifadə edilən çinar yarpaqlarından, söyüd ağacının yarpaqlarından və ya qabığından hazırlanan çaylardan çox istifadə olunur. Dr. Sever bu səbəbdən kəskin böyrək çatışmazlığından xəstəxanaya yerləşdirilən xəstələrin olduğunu diqqətə çatdırıb.
