Yay mövsümü gəldiyindən istidən yazıçı və şairlərimizin yaradıcılıqla məşğul ola bilməməsini yəqin ki, yaradıcı adamlar yaxşı anlayır.
Şair Salam Sarvan Moderator.az-a açıqlamasında bildirdi ki, isti havalarda nə oxuya bilir, nə də yaza bilir. Özü isə məzuniyyətdədir:
“Yayda nə oxuya bilirəm, nə də yaza bilirəm. Qabaqlar saytlarla əməkdaşlıq eləyəndə qonarara görə istilərdə də yazırdım, amma zülm idi. Hətta bir dəfə yarızarafat yazmışdım ki: “Mən şeirlərimi ürəyimin qanıyla yazıram” deyən şairlər keçsin günahımdan, mən bu saat bu yazını kürəyimin təriylə yazıram”.
