10 illik hakimiyyəti müddətində “ailə planlaşdırılması” poqramı çərçivəsində 300 min qadını zorla qısırlaşdırmaqda ittiham olunan Perunun sabiq prezidenti Fujimori yenidən hakim qarşısına çıxacaq.
Qaynarinfo xarici KİV-ə istinadən xəbər verir ki, ölkə prokurorluğu onun barəsində ittihamnamə hazırlayıb.
Xatırladaq ki, 2014-cü ildə Fujimori bu ittihamlardan üzü ağ çıxmışdı. Lakin 18 qadının ölümü ilə nəticələnən proqramı yenidən araşdıran prokurorluq sözügedən proqramın tətbiqi nəticəsində əlil olan və həyatını itirən 5 qadınla bağlı təkrar iddianamə hazırlayıb.
Baş prokurorluq məsələ ilə bağlı o dövrdə xidmət göstərən 3 vəifəli şəxs barəsində də cinayət işi açacaq.
2 mində çox insan Fujimorini məhkəməyə verib.
Qeyd edək ki, 79 yaşlı sabiq prezident 2009-cu ildə insan hüquqlarını pozduğu üçün 25 il müddətinə həbs olunsa da, sağlamlığında problem yarandığı əsas gətirilərək yeni prezidentin qərarı ilə azadlığa buraxılmışdı. Onun azadlığa buraxılmasını minlərlə insan boykot etmişdi.
