Ruslar cinayətin açılmasına və günahkarların tutulmasına görə bir neçə milyon rubl mükafat qazana biləcəklər.
Oxu.Az xəbər verir ki, Rusiya daxili işlər nazirinin müvafiq əmri avqustun 27-dən qüvvəyə minib.
Mükafatın məbləği 50 mindən 10 milyon rubla qədərdir. Bununla yanaşı, 500 min rubla qədər olan mükafatlar DİN-in ərazi orqanlarının rəhbərləri və ya onların müavinləri tərəfindən, 3 milyon rubla qədər daxili işlər nazirinin müavini tərəfindən, 3 milyondan yuxarı mükafatlar isə nazirin özü tərəfindən verilən qərarla təyin edilir.
Pullar nağd və ya bank hesabı vasitəsilə əldə ediləcək.
Bu günə qədər polis müstəsna hallarda təhlükəli cinayətkarla bağlı məlumat verən şəxslərə mükafata verirdi.
