Rusiyada 1991-ci ildən etibarən rekord səviyyədə deflyasiya qeydə alınıb.
Rusiyada 1991-ci ildən etibarən rekord səviyyədə deflyasiya qeydə alınıb.
“Report”, “Kommersant” qəzetinə istinadən xəbər verir ki, bu barədə Rusiya Dövlət Statistika Xidməti məlumat yayıb.
Məlumatda deyilir ki, ötən ay ölkədə deflyasiya 0,5% təşkil edib. Bundan əvvəl ən böyük deflyasiya 2003-cü ilin avqustunda qeydə alınıb – 0,41%. Deflyasiyaya səbəb kimi meyvə-tərəvəz qiymətlərinin kəskin azalması göstərilir.
Nəticədə, Rusiyada avqust ayında illik inflyasiya 3,3%-ə düşüb. İlin əvvvəlindən isə inflyasiya 1,8% təşkil edib. Ekspertlər inflyasiyanın azalmasından sonra Mərkəzi Bankın uçot dərəcəsini azalda biləcəyini bildiriblər. Qeyd edək ki, qurumun iyulun 28-də keçirilmiş son iclasında uçot dərəcəsi dəyişdirilməyərək 9% səviyyəsində saxlanılıb.
