Rusiyada miqrant uşaqlarının məktəblərdə pulsuz təhsil almasına qoyulan qadağalar ölkə Konstitusiyasına ziddir.
Tribunainfo.az xəbər verir ki, bu barədə TASS-a açıqlamasında Rusiya Təhsil Nazirliyinin Dövlət ümumi təhsil siyasəti və məktəbəqədər təhsilin inkişafı departamentinin direktoru Aleksandr Reut bildirib.
Onun sözlərinə görə, Rusiya Konstitusiyasına əsasən, ölkə ərazisində yaşayan bütün şəxslərin, o cümlədən əcnəbilərin də pulsuz təhsil almaq hüququ var:
“Bu, Rusiya Federasiyasının ərazisində olan bütün insanlar üçün ümumi hüquqdur. Ümumi təhsil pulsuzdur, orta ixtisas təhsili də elədir. Ali təhsil isə müsabiqə əsasında pulsuzdur”, – deyə Reut vurğulayıb.
