Rusiya işğalçı qüvvələri Zaporojya vilayətinin Stepov yaşayış məntəqəsi yaxınlığında hücum əməliyyatları üçün yeni istiqamət açmağa cəhd etsə də, buna nail ola bilməyib.
Tribunainfo.az xəbər verir ki, bu barədə “Ukrinform”a Cənubi Müdafiə Qüvvələrinin sözçüsü Vladislav Voloşin məlumat verib.
Voloşin bəyan edib ki, kəşfiyyat məlumatlarına görə, düşmən Lukianivske istiqamətində Ukrayna mövqelərinə hücum etməyi planlaşdıraraq, Jerebyanka yaşayış məntəqəsi yaxınlığında müəyyən qüvvə və texnika cəmləyib.
“Bu səhər Stepov qəsəbəsinə iki hücum olub və bu toqquşmaların birində düşmən hətta altı maşınla motosikletlərə kütləvi hücuma cəhd edib”, – sözçü izah edib.
O əlavə edib ki, işğalçılar motosikletlərlə qəsəbəyə daxil olmağa və Ukrayna mövqelərində möhkəmlənməyə cəhd ediblər.
“Ukrayna Müdafiə Qüvvələri düşmənin həm motosikletlərini, həm də texnikasını məhv edərək bu hücumu dəf edib”, – Voloşin deyib.
Dəniz Pənahova
