Rusiya Təhlükəsizlik Şurasının sədr müavini bildirib ki, Ukraynanın Rusiyanın qərbindəki nüvə stansiyasına hücumu təsdiqlənərsə, Moskva Ukrayna və Şərqi Avropadakı nüvə stansiyalarına zərbələr endirəcək.
Tribunainfo.az Mehrnews-a istinadən xəbər verir ki, Dmitri Medvedev bu sözləri Ukrayna silahlı qüvvələrinin Smolensk vilayətinin Desnoqorsk şəhərindən 3 kilometr və Smolensk şəhərindən təxminən 150 kilometr aralıda yerləşən Smolensk Atom Elektrik Stansiyasına qarşı hücum cəhdinə işarə edən bəzi xəbərlərdən sonra deyib.
“Əgər Smolensk AES-ə (Atom Elektrik Stansiyası) NATO raketləri ilə hücum cəhdi təsdiqlənərsə, biz Rusiyanın Cənubi Ukrayna AES, Rivne AES və Xmelnitski AES-ə, eləcə də Şərqdəki nüvə obyektlərinə eyni vaxtda zərbə endirməsi ssenarisini nəzərdən keçirməliyik”, – deyə bildirib.
Eyni zamanda, Rusiya Federasiyasının Rostov vilayətinin qubernatoru Vasili Qolubev vilayətin hava hücumundan müdafiə sisteminin işə salındığını bildirib. O əlavə edib ki, Kamianske yaxınlığında raket vurulub və onun qəlpələri bir neçə binanın damını zədələyib.
