Rusiya ödəniş sistemi “Mir”in yerinə onun Türkiyə analoqu olan “TROY” təklif oluna bilər.
TİA.AZ “TASS“ agentliyinə istinadən xəbər verir ki, Rusiya və Türkiyə Mərkəzi Bankları bu barədə yaxın zamanda açıqlama verə bilərlər.
Qeyd edək ki, bir müddət əvvəl Rusiya maliyyə sisteminə tətbiq olunan sanksiyalar çərçivəsində Türkiyə banklarına “Mir” ödəniş sistemindən istifadə qadağan olunub. Öz növbəsində Türkiyə tərəfi Rusiyalı turistlərin vəziyyətdən çıxış yolu kimi yeni sistemi təklif edib. Tərəflərin başqa alternativlər üzərində də çalışdıqları bildirilir.
