Ukraynanın Hərbi Hava Qüvvələrinin təmsilçisi Yuri İqnat 13 dekabrda baş verən genişmiqyaslı raket və dron hücumu zamanı Ukrayna pilotunun F-16 qırıcısı ilə Rusiya ordusuna məxsus 6 qanadlı raketi vurduğunu açıqlayıb.
Tribunainfo.az bu barədə Ukrayna mediasına istinadla xəbər verir.
İqnatın sözlərinə görə, bu, F-16 qırıcısının bir uçuşda 6 raket vurduğu ilk hadisə kimi tarixə düşüb.
F-16 təyyarəsində yalnız 4 “hava-hava” tipli raket yerləşdirilə bilər. Pilot 4 raketi vurduqdan sonra iki düşmən raketini təyyarənin aviatopundan istifadə edərək məhv edib. Bu, pilotun yüksək səviyyəli peşəkarlığını və F-16-nın döyüş qabiliyyətini bir daha sübut edir.
Ukrayna Hərbi Hava Qüvvələri bu uğurun genişmiqyaslı hücumların qarşısını almaq və hava hücumundan müdafiə güclərini artırmaq baxımından mühüm əhəmiyyət kəsb etdiyini bildirir.
