Taxıl sövdələşməsinin canlanması yalnız Moskvanın tələblərinin yerinə yetirildiyi təqdirdə mümkündür.
Tribunainfo.az xəbər verir ki, bunu TASS-a müsahibəsində Rusiya xarici işlər nazirinin müavini Mixail Qaluzin deyib.
“Bizim mövqeyimiz dəyişməz olaraq qalır, yəni sistemli problemləri həll etməkdir. Rosselxozbank-ı SWIFT-ə yenidən qoşun, ehtiyat hissələrinin tədarükünə davam edin, nəqliyyat logistikasını və sığortanı təsdiqləyin. Yalnız bunları nəzərdən keçirdikdən sonra Qara dəniz təşəbbüsünü bərpa etmək olar”, – diplomat qeyd edib.
Qaluzin onu da əlavə edib ki, taxıl sövdələşməsinin bərpası üçün digər şərt elan edilmiş humanitar məqsədlərə uyğun olaraq sazişlərə əməl olunmasıdır.
Dünən Türkiyə prezidenti Rəcəb Tayyib Ərdoğan Rusiyanın taxıl sazişinə qayıtmasının Qərb ölkələrinin öhdəliklərini yerinə yetirməsindən asılı olduğunu açıqlayıb.
Eyni zamanda, Türkiyə prezidenti respublikanın xaricdəki səfirlərinin illik konfransının iştirakçıları ilə görüşündə də bəyan edib ki, Ankara taxıl müqaviləsinin bərpası üçün səylərini davam etdirəcək.
Qeyd edək ki, avqustun 8-də ABŞ-ın dövlət katibi Entoni Blinken bildirib ki, ABŞ Rusiyanın taxıl sazişinin şərtləri ilə bağlı suallarını həll edib, lakin Moskva hələ ki, cavab verməyib.
