Fyodor Voitolovski hesab edir ki, Qərb, xüsusilə NATO, Gürcüstan və Azərbaycan Ermənistandan daha maraqlıdır.
Tribunainfo.az Sputnik Armeniya-ya istinadən xəbər verir ki, politoloqun sözlərinə görə, NATO fəal şəkildə Cənubi Qafqaz ölkələrini inteqrasiya etməyə çalışır, Alyans xüsusilə Gürcüstan və Azərbaycanla maraqlanır.
Ekspert diqqəti NATO-da ABŞ-dan sonra ikinci orduya malik olan və ayrı-ayrı epizodlara baxmayaraq, ABŞ-ın sadiq hərbi-siyasi müttəfiqi olaraq qalan Türkiyə ilə Azərbaycanın hərbi-texniki əməkdaşlığının nə qədər dərin olduğuna diqqət çəkib.
Voitolovskinin sözlərinə görə, Türkiyə ABŞ-a sadiq qalmaqla yanaşı, Azərbaycanla mümkün qədər sıx əməkdaşlıq üçün tam kart-blanşa malikdir, təbii ki, onu gələcəkdə alyansın bir hissəsi kimi görmək məqsədi daşıyır. Lakin Azərbaycanın NATO-ya gedən yolunda çox ciddi maneə var – bu, Qarabağ və ümumiyyətlə, Ermənistanla ərazi mübahisələridir.
“Türkiyə və Azərbaycanın Avro-Atlantik inteqrasiyasını təmin etməsi üçün Ermənistanla ərazi mübahisələrini həll etməlidir. Əgər mübahisələr Azərbaycanın xeyrinə həll olunarsa, bu, ölkənin NATO-ya daha dərindən inteqrasiyasına imkan yaradacaq. “, – Voitolovski əlavə etdi.
Eyni zamanda, o hesab edir ki, həmişə daha praqmatik olan ABŞ Respublikaçılar Partiyası Azərbaycanın Avro-Atlantik perspektivləri ilə bağlı daha çox həvəslidir. Demokratların burada daha çevik mövqeyi var, lakin onlar son nəticədə Azərbaycanın hərəkətlərinə göz yummağa hazırdırlar.
Politoloq əmindir ki, ümumiyyətlə, Vaşinqton strateqlərini Ermənistanın taleyi maraqlandırmır. Amerika baxımından Ermənistanın yeri Türkiyəyə tabedir, baxmayaraq ki, uzunmüddətli perspektivdə Ermənistanın NATO-ya üzvlüyü də Qərb üçün aktual olaraq qalır. Təbii ki, “azaldılmış” ərazilərlə və Türkiyənin “nəzarəti” altında.
