Rusiyanın Kamçatka diyarında ağır yol qəzası baş verib.
Rus hərbçi idarə etdiyi avtomobil ilə bir qrup çağırışçını vurub.
Məlumata görə, qəza dekabrın 2-də səhər tezdən Petropavlovsk-Kamçatski – Yelizovo yolunun 26-cı kilometrliyində baş verib.
Təxminən 80 km/saat sürətlə çağırışçı kütlənin arasına girən sürücü ona yaxın hərbçinin yaralanmasına səbəb olub.
Qeyd olunur ki, qəza nəticəsində 6 rusiyalı çağırışçı xəstəxanaya yerləşdirilib, onlardan birinin vəziyyəti ağırdır. Daha bir neçə hərbçiyə isə qəza yerində tibbi yardım göstərilib.
