Yeddilik Qrupu (G7) ölkələri 2024-cü il yanvarın 1-dən Rusiyadan almazlara qadağa tətbiq edəcək. Tribunainfo.az xəbər verir ki, bu barədə “Reuters” sammitin bəyanatına istinadən məlumat yayıb.
Yazda üçüncü ölkələrdən Rusiya almazlarının idxalına mərhələli qadağanın tətbiqi planlaşdırılır. Sentyabrın 1-dək isə almazlar üçün “etibarlı yoxlama və sertifikatlaşdırma mexanizmi” yaratmağı planlaşdırırlar.
Qrupun sammiti ilə bağlı bəyanatı artıq Yaponiya Xarici İşlər Nazirliyinin saytında dərc olunub.
Sənəddə deyilir: “Biz Rusiyada hasil edilən, emal olunan və ya istehsal olunan qeyri-sənaye almazlarına idxal məhdudiyyətləri tətbiq edəcəyik”.
