Azərbaycan Respublikası Müharibə, Əmək və Silahlı Qüvvələr Veteranlar Təşkilatının və Müdafiə Nazirliyinin təşkilatçılığı ilə İkinci Dünya müharibəsi veteranları üçün təntənəli tədbir təşkil olundu. 
Azərbaycan Respublikası Müharibə, Əmək və Silahlı Qüvvələr Veteranlar Təşkilatının və Müdafiə Nazirliyinin təşkilatçılığı ilə İkinci Dünya müharibəsi veteranları üçün təntənəli tədbir təşkil olundu.
Tədbirdə Müdafiə Nazirliyinin orkesrtı və səyyar mətbəxi veteranların Qələbə bayramının sevincini daha da artırdı.Tədbirdə Müdafiə Nazirliyinin, Respublika Veteranlar Təşkilatının əməkdaşları, ziyalılar, media nümayəndələri, gənclər iştirak etdilər.
Tədbirdə Respublika Veteranlar Təşkilatının sədr müavini, polkovnik Cəlil Xəliov çıxış etmiş, bu əlamətdar gün münasibəti ilə bütün veteranları təbik edərək Azərbaycanın İkinci Dünya müharibəsindəki əvəzsiz xidmətlərindən, həm ön cəbhə həmdə arxa cəbhədə Azərbaycan xalqının fədakar xidmətlərini danışmışdır. “İkinci Dünya müharibəsi xalqımızın şanlı tarixininin bir parçasıdır. Qələbə gününün canlı yaddaşı isə siz veteranlarsınız. Sizlər bu qələbənin yükünü çiyinlərinizdə daşımışsınız. Bu tarixin ən əlamətdar günü isə 1945 – ci ilin 9 may Qələbə günüdür. Hər birinizin gözlərində o sevinci görmək olur. Siz bizim, şanınımız, fəxrimizsiniz. Biz sizinlə hər zaman fəxr etmişik və edəcəyik”.
Sonra veteranlar çıxış edərək onlara göstərilən diqqətə görə minnətdarlıq etmiş, keçdikləri döyüş yolundan, həyatlarının ən keşməkeşli dövrü olan İkinci Dünya müharibəsi haqqında xatirələrini bölüşmüşdürlər. Xatirələr yada düşdükcə o anlar gözlər önündə yenidən canlanmış, sanki müharibənin hərarətini yenidən hiss edildi.
Respublika Veteranlar Təşkilatı Qələbənin 72 illik yubileyi münasibəti ilə hazırladığı “Veteran Marşı” səsləndirilmişdir. Sözləri Zəminə Xınalıya, musiqisi Şahin Musaoğluna aid bəstə veteranların alqış sədaları ilə müşayiət olunmuşdur.
Sonda xatirə şəkilləri çəkdirilmiş, veteranlarlara müxtəlif qiymətli hədiyyələr təqdim olunmuşdur.
