REKORD: BU MAŞIN 51 MİLYONA SATILDI

1962-ci il model Ferrari 250 GTO Sotheby’s hərracında tarixi rekord qıraraq 51 milyon 705 min dollarla ən bahalı Ferrari adını qazanıb. Tribunainfo.az bildirir ki, bu satış avtomobilin nadirliyi və əhəmiyyətinə görə böyük marağa səbəb oldu. RM Sotheby’s-in Qlobal Hərracların rəhbəri Qord Daff dedi: “Bu qeyri-adi satış Ferrari-nin dünyada ən arzuolunan obyektlərdən biri kimi unikal statusunu bir daha vurğulayır”.
1962-1964-cü illər arasında əfsanəvi italyan brendinin cəmi 39 ədədi istehsal olunmuş 250 GTO nümunəsini öz sahibindən istənilən qiymətə almaq demək olar ki, mümkün deyil. Qeyd edək ki, bu avtomobilin şassi nömrəsi Tipo 1962 kuzovu ilə istehsal edilən 34 nümunədən biri olan 3765-dir.
Bu xüsusi avtomobilin unikal konstruksiya tarixi və onun Scuderia Ferrari yarış komandası tərəfindən yarışlarda istifadəsi onu digərlərindən fərqləndirən bir dəyər verdi. Hərrac evi nəqliyyat vasitəsini modelin “ən görkəmli nümunələrindən biri” kimi xarakterizə edərək, bu unikal avtomobilin tarixindəki əhəmiyyətini vurğulayır.