Azərbaycan Dövlət Reklam Agentliyi qanunvericiliyin pozan sahibkarlar barədə məhkəməyə müraciət edib.
Bizimyol.info-nun sorğusuna cavabda agentlik bildirir ki, 2019-cu ilin əvvəlindən bugünə qədər “Reklam Haqqında Qanunun” tələblərinin pozulması halı ilə əlaqədar 169 protokol tərtib edilərək məhkəməyə göndərilib:
“ADRA cari ilin başlanğıcından açıq məkanda qanunun tələblərinə cavab verməyən reklamların yayımının dayandırılması istiqamətində zəruri tədbirləri davam etdirir ki, bu tədbirlər çərçivəsində 2019-cu ilin ilk 3 ayı ərzində açıq məkanda reklam haqqında qanunvericiliyini pozan sahibkarlar barədə 169 protokol tərtib edilib və baxılması üçün aidiyyəti üzrə məhkəmələrə göndərilib”.
