Qiyamət günü gələcək, ya yox? Hamımız bu sualın cavabını düşünürük, elə deyilmi? Mütəxəssislər həmçinin bəşəriyyətin sonunu proqnozlaşdırmaq üçün ən son superkompüter modellərindən istifadə edirlər.
Tribunainfo.az Milliyet-ə istinadən xəbər verir ki, İngiltərənin Bristol Universitetinin tədqiqatçıları da insanların nəsli kəsilmək təhlükəsi ilə üzləşdikləri barədə kompüter tərəfindən hazırlanmış hesabat hazırlayıblar.
Kompüter hesabatında Yer kürəsinin sürətlə isinməsi və temperaturun pik həddə çatması ilə “apokalipsis”in baş verəcəyi ifadə edilirdi. Məlumata görə, Yer kürəsini yandıracaq istilər tez-tez vulkan püskürmələri ilə müşayiət olunan “superqitə”nin yaranmasına zəmin yaradacaq.
Superkontinent əsasən isti və rütubətli tropik bölgələri əhatə edəcəyi üçün karbon qazının səviyyəsi ikiqat artacaq . Günəş 2,5 faiz daha çox radiasiya yayacaq. Nəticədə, Yer kürəsinin əhəmiyyətli bir hissəsində 40 ilə 70 dərəcə arasında dəyişən temperatur müşahidə olunacaq. Yeni superkontinentin təsiri, intensiv günəş enerjisi istehsalı və atmosferdə yüksək karbon qazı üçqat təhlükə yaradacaq.
Planet yanarkən, yemək və içmək tapa bilməyən canlılar həyatlarını itirəcəklər. Araşdırmanın aparıcı müəllifi Dr. Alexander Farnsvort, “Havanın temperaturunun 40, 50 dərəcəni aşan yüksək rütubət dərəcələri ilə birləşməsi insanların ölümcül taleyini həll edəcək. İnsanlar və digər canlılar planetdən yox olacaqlar, çünki onlar bu istiliyi tərləmə yolu ilə buraxa bilmirlər və bədən istiliyini tənzimləyə bilmirlər”.
Kompüter hesabatına görə, “apokalipsis” dediyimiz qızmar istilər 250 milyon il sonra və ya daha tez baş verə bilər. Apokalipsisin qarşısını almaq ancaq qlobal istiləşmənin qarşısını almaqla mümkündür. Bunun üçün əsas üsul qalıq yanacaqların istifadəsini minimuma endirməkdir.
Araşdırma aparan ekspertlərdən biri də prof. Benjamin Mills də dedi: “Qaz yanacaq istehlakının artması apokalipsisi gözləniləndən çox daha erkən gətirəcək”.
