Mütəxəssislərin fikrincə, kofein qəbulunu birdən-birə dayandırmaq həm mənfi, həm də müsbət təsirlərə səbəb ola bilər.
Tribunainfo.az xəbər verir ki, “Eatingwell”in yazısına görə, kofein müəyyən dərəcədə asılılıq yaradan maddədir və ondan imtina zamanı orqanizmdə çəkilmə simptomları görünə bilər. Buna görə də mütəxəssislər qəhvəni tədricən azaltmağı məsləhət görür.
1. Baş ağrıları – kofein həm baş ağrısını azalda, həm də onun yaranmasına səbəb ola bilər. Qəhvəni dayandırdıqda damarlar normal vəziyyətinə qayıdır və bu, müvəqqəti baş ağrılarına gətirə bilər.
2. Qəbizlik – qəhvə həzm sistemini stimullaşdırır. Ondan imtina bağırsaqların fəaliyyətini zəiflədə bilər. Problemin qarşısını almaq üçün daha çox su və lifli qidalar qəbul etmək tövsiyə olunur.
3. Yorğunluq və süstlük – kofein stimulyator olduğundan onun olmaması bir neçə gün ərzində enerjisizlik, yuxululuq və diqqət azalmasına səbəb ola bilər. Bu təsirləri azaltmaq üçün qəhvəni tədricən azaltmaq məsləhətdir.
4. Çəki itkisi – şəkər və qaymaqla içilən qəhvədən imtina gündəlik kalori qəbulunu azaldaraq arıqlamağa kömək edə bilər.
5. Narahatlığın azalması – qəhvədən imtina əsəbilik və gərginliyi azaldaraq stresslə mübarizəyə yardımçı ola bilər.
6. Yuxu keyfiyyətinin yaxşılaşması – kofein yuxu-oyanıqlıq dövrlərinə təsir göstərir və orqanizmdə saatlarla qala bilir. Ondan imtina yuxusuzluq riskini azaldır və dincəlməni asanlaşdırır.
7. Daha ağ dişlər – Amerika stomatoloji assosiasiyası qəhvəni dişlərin rəngi və mina sağlamlığı üçün ən zərərli məhsullardan biri hesab edir. Qəhvədən imtina dişlərin təmiz və ağ görünməsinə şərait yarada bilər.
Qaynarinfo
