Qarabağın statusu məsələsini Ermənistanın baş naziri Nikol Paşinyan bağladı. Tribunainfo.az xəbər verir ki, bunu Rusiyanın xarici işlər naziri Sergey Lavrov deyib.
O qeyd edib ki, üçtərəfli sazişlər imzalandıqdan və onların icrasına başlandıqdan sonra Aİ və ABŞ prosesə fəal şəkildə müdaxilə etməyə başlayıb.
“Ermənistan, Azərbaycan və Rusiya Federasiyası arasında üçtərəfli razılaşmanın əldə olunmasında Makron yox, Putin mühüm rol oynayıb. Həmin razılaşmalar qüvvəyə mindikdən sonra marşrutların açılması və sərhədlərin demarkasiyası mexanizmləri yaradıldı, sonra avropalılar və amerikalılar bu prosesdə fəal iştirak etməyə başladılar”, – Lavrov bildirib.
Onun sözlərinə görə, 2020-ci ilin noyabrında və ondan sonrakı sənədlərdə Qarabağ ərazisi Rusiya sülhməramlı kontingentinin zonası kimi təsvir edilib və üç ölkənin liderləri arasında status mövzusu ilə bağlı danışıqların getdiyi barədə anlaşma var; məsələni nəhayət razılaşdırmaq üçün hələ də davam etmək lazımdır.
“2022-ci ilin payızında Makron Praqada Avropa siyasi ictimaiyyətinin konfransını keçirəndə bizim sürprizimizi təsəvvür edin… və görüşdə onlar Azərbaycan və Ermənistanın Almatı bəyannaməsinə uyğun olaraq bir-birinin ərazi bütövlüyünü tanıması barədə sənədi təsdiqlədilər. Bu, Qarabağın Azərbaycan SSR tərkibində muxtar vilayət kimi tanınması demək idi. Biz belə bir bəyanatın hazırlandığını bilmirdik və bu bəyanatı verəndə belə qənaətə gəldik ki, biz Bakıda Qarabağın statusu ilə bağlı məsələnin bağlandığını, Ermənistanın baş nazirinin özü tərəfindən bağlandığını bildirdik”, -Lavrov yekunlaşdırıb.
