“Qarabağ”ın baş meneceri Asif Əsgərov rusiyalı qapıçı Andrey Lunyevi transfer etdiklərini açıqlayıb.
Tribunainfo.az xəbər verir ki, funksioner bu barədə “sport24.ru” saytına açıqlamasında bildirib:
“Lunyevlə 1+1 illik müqavilə imzaladıq. Bu gün o, tibbi müayinədən keçib. İnanırıq ki, iki tərəf üçün də uğurlu əməkdaşlıq olar”.
Lunyev “Qarabağ”da mövsümə 200 min avro maaş alacaq.
Qolkiper karyerası ərzində “Torpedo”, “İstra”, “Ufa”, “Bayer” və “Zenit”də forma geyinib.
