“Qarabağ”ın UEFA Çempionlar Liqasının 3-cü təsnifat mərhələsində “Şkendiya” ilə oyunlarının vaxtı müəyyənləşib.
Tribunainfo.az xəbər verir ki, Azərbaycan çempionu ilk qarşılaşmanı səfərdə keçirəcək.
Şimali Makedoniyanın paytaxtı Skopyedəki matç avqustun 5-də baş tutacaq. Qarşılaşmanın start fiti Bakı vaxtı ilə 22:00-da veriləcək.
Cavab görüşü isə bir həftə sonra Tofiq Bəhramov adına Respublika Stadionunda təşkil olunacaq və saat 20:00-da start götürəcək.
