«Qarabağ» Musa Qurbanlı, Fabiyan Buntiç və Sadiq Məmmədzadənin ardınca daha bir transferi rəsmiləşdirmək üzrədir.
İbrahim Ramazanov növbəti mövsümdən «köhlən atlar»a məxsus olacaq.
Azərbaycan çempionu 19 yaşlı müdafiəçi ilə 4+1 illik müqavilə imzalamağa hazırlaşır.
«Qəbələ»nin yetirməsi olan mərkəz oyunçusu indi azad agent statusu daşıyır. «Qırmızı-qaralar» 4 ay öncə İbrahimə yeni müqavilə təklif etsə də, bununla razılaşmayıb.
Odur ki, «Qəbələ»nin ona görə daha çox pul qazanmaq şansı qalmayıb. Əyalət təmsilçisi yalnız yetişdirmə haqqı olaraq təzminat ala bilər. Bu məbləğ isə 100 min manatı aşmır.
