Rusiya prezidenti Vladimir Putinin qorunması üçün təlimat verdiyi bəbir ölüb.
TİA.AZ-ın məlumatına görə, 2016-cı ildə Viktoriya, Killi, Akxun adlı 3 bəbir Qafqaz dağlarına buraxılmışdı. Təbiətə buraxılmazdan qabaq Putin bəbirlərlə media qarşısına çıxmış, nəsli kəsilməkdə olan bu heyvanların qorunması üçün təlimat vermişdi. Keçən il isə bu bəbirlərdən biri – Viktoriya qaçaraq Abxaziyaya keçmişdi. Təkrar Soçiyə gətirilərək 3 həftə əvvəl təbiətə buraxılan bəbirin ölüsü tapılıb.
Məlumata görə, GPS ilə izlənən bəbirlərdən birinin hərəkət etmədiyi müəyyən edilib. Viktoriyanın ölümü “təbiətə böyük itki” adlandırılıb və ölüm səbəbinin araşdırılacağı bildirilib.
