Putin Ukrayna ilə hazırkı cəbhə xəttində atəşkəs olmasını istəyir, əks halda…backend

Putin Ukrayna ilə hazırkı cəbhə xəttində atəşkəs olmasını istəyir, əks halda…

  • whatsapp
  • messenger
  • telegram
  • vkontakte
  • odnoklassniki
Rusiya prezidenti Vladimir Putin, Ukrayna hazırda cəbhə xəttinin keçdiyi sərhədləri tanımağa razılıq verərsə, onunla atəşkəslə bağlı danışıqlara hazırdır. Eyni zamanda, Vladimir Putin onun təklifinə cavab verilməyəcəyi təqdirdə hərbi əməliyyatları davam etdirməyə hazırdır.
Tribunainfo.az xəbər verir ki, bu barədə dörd yüksək rütbəli rusiyalı mənbəyə istinadən “Reuters” agentliyi məlumat yayıb.
Vladimir Putinin çevrəsindəki müzakirələrlə tanış olan üç anonim mənbə “Reuters”ə bildirib ki, Rusiya prezidenti bir neçə yaxın müşavirinə Qərbin danışıqları pozmaq cəhdləri, eləcə də Ukrayna prezidenti Volodimir Zelenskinin danışıqları istisna etmək qərarından məyus olduğunu söyləyib.
Bu materialı hazırlamaq üçün “Reuters” siyasi və iş dünyasında Putinlə yüksək səviyyədə işləyən və ya işləmiş beş nəfərlə danışıb.
Keçən həftə iqtisadçı Andrey Belousovun müdafiə naziri təyin edilməsi bəzi Qərb hərbi və siyasi analitikləri tərəfindən uzun sürən münaqişədə hazırlıq kimi qiymətləndirilib. Mənbələrin bildirdiyinə görə, bununla belə, Putin hərbi münaqişəni arxada qoymaq üçün Rusiyanın inkişafının mövcud impulsundan istifadə etməyə üstünlük verir.
İki mənbənin bildirdiyinə görə, Vladimir Putin hesab edir ki, müharibə bölgəsindəki uğurlar Rusiya vətəndaşlarının onları qələbə kimi qəbul etmələri üçün indi kifayətdir. Agentliyin üç həmsöhbətinin sözlərinə görə, Rusiya prezidenti hesab edir ki, cəbhədə istənilən yeni nailiyyətlər hakimiyyətin qaçmağa çalışdığı növbəti səfərbərliyi tələb edəcək. “Putin lazım olduğu qədər döyüşə bilər, lakin o, münaqişəni dondurmaq üçün atəşkəsə də hazırdır”, – Kremldəki məsələ ilə bağlı danışıqlardan xəbərdar olan dörd yüksək vəzifəli Rusiya mənbəsindən biri deyib.
Vladimir Putinin mətbuat katibi Dmitri Peskov agentliyə şərhində bildirib ki, Rusiya prezidenti dəfələrlə Rusiyanın dialoqa açıq olduğunu açıqlayıb. O, həmçinin əmin edib ki, Rusiya “əbədi müharibə” istəmir.
Mənbələrdən biri ehtimal edib ki, Volodimir Zelenskinin hakimiyyətdə olduğu müddətdə sülh razılaşmasının bağlanması mümkün deyil. Bununla belə, Rusiya onun arxasında Vaşinqtonla razılığa gələ bilər.
Bütün mənbələrə görə, Putin israr edir ki, bütün hərbi qazanclar razılaşmaya daxil edilməlidir və bu, müzakirə oluna bilməz. Dörd mənbə bildirib ki, o, indi sahib olduğu torpaqlarla kifayətlənməyə və hazırkı cəbhə xəttində münaqişəni dondurmağa hazırdır. “Putin deyəcək ki, biz qalib gəldik, NATO bizə hücum etdi və suverenliyimizi qoruyub saxladıq, bizim Krıma quru dəhlizimiz var və bu həqiqətən də belədir”, – deyə mənblərdən biri öz təhlili ilə bölüşüb.
Münaqişənin hazırkı xətt üzrə dondurulması Moskvanın 2022-ci ilin sentyabrında rəsmi olaraq Rusiya tərkibinə daxil etdiyi dörd Ukrayna vilayətinin böyük hissələrinə sahib çıxması, lakin heç birinə tam nəzarət etməməsi ilə nəticələnəcək.
Putinlə işləmiş mənbələrdən biri bildirib ki, Kreml rəhbərinin münaqişəyə son qoyulması zərurətinə dair fikrinə təsir edən başqa bir amil ondan ibarətdir ki, münaqişə nə qədər uzansa, bir o qədər çox döyüşdə püxtələşmiş veteranlar müharibədən sonrakı məşğulluq və gəlir imkanlarından narazı olaraq Rusiyaya qayıdırlar ki, bu da cəmiyyətdə gərginlik yarada bilər.
Fevral ayında üç rus mənbəsi “Reuters”ə bildirib ki, ABŞ Putinin əvvəlki atəşkəs təklifini rədd edib.
Atəşkəs olmadığı halda Putin Ukraynaya təzyiqi artırmaq üçün mümkün qədər çox ərazi ələ keçirmək istəyir, eyni zamanda yeni ərazilər əldə etmək üçün gözlənilməz imkanlardan istifadə edir, – üç mənbə bildirib.
Belə bir razılaşma Moskvanın Ukraynanın dörd vilayətinin – Donetsk, Luqansk, Zaporojye və Xersonun indi tamamilə ona məxsus olduğunu bəyan etdiyi vaxt qarşısına qoyduğu məqsədlərə uyğun gəlməyəcək.
Putin Rusiyanın Ukrayna ilə müqayisədə daha çox əhalisinin səfərbərlik olmadan belə canlı qüvvədə üstünlüyünü qoruyub saxlamağa imkan verəcəyinə ümid edir. Bu, orduya gedənlər üçün qeyri-adi səxavətli ödənişlərlə dəstəklənir. “Rusiya irəliləyəcək”, deyə Putinlə işləmiş mənbə bildirib.
Putin Zelenski dayanmağı təklif edənə qədər yavaş-yavaş ərazi qazanacaq, deyən mənbə, Rusiya liderinin müşavirlərinə Qərbin kifayət qədər silah verməyəcəyini və bunun Ukraynanın ruh yüksəkliyini sarsıdacağını söylədiyini qeyd edib.
Hər beş mənbə bildirib ki, Putin müşavirlərinə NATO ərazisi ilə bağlı planlarının olmadığını deyib və onun ictimai çıxışları bunu təsdiqləyir. İki mənbə Rusiyanın nüvə proqramı da daxil olmaqla Qərblə eskalasiya təhlükəsinin artması ilə bağlı narahatlığını qeyd edib.