Ölkədə kifayət qədər sığorta şirkəti var. Bu sığorta şirkətləri ilə bağlı mütəmadi narazılıq və şikayətlər gündəmə gəlir. Şikayətlər bəzən adi narazılıq şəklindən çıxır və məhkəməyə qədər uzanır. Bunu ay ərzində onlarla məhkəmə çəkişməsi olan sığorta şıirkətlərinin sayı da təsdiqləyir. Elə bir sığorta şirkəti yoxdur ki, sürücülər tərəfindən məhkəməyə verilməsin. Bu sığorta şirkətləri sürücülərlə bağladıqları müqavilələrə baxmayaraq istənilən qəza anında qarşı tərəfə dəymiş zərərin ödənilməsini gecikdirir, ya müəyyən bəhanələrlə ödəmir, ya da məbləği az hesablayır. Bu da sürücülərin təbii narazılığına səbəb olur.
Tribunainfo.az aprel ayı ərzində ən çox məhkəməyə verilən sığorta şirkətlərinin adlarını müəyyənləşdirib. Bu dəfə də siyahıya “Atəşgah Sığorta” liderlik edir. Bu sığorta şirkəti ölkədə ən çox şikayət olunan, narazılıq yaradan sığorta şirkətidir. Təkcə aprel ayında bu şirkətlə bağlı məhkəmədə 50 prosesə baxılacaq.
Aprel ayında məhkəmə çəkişməsi olan sığorta şirkətlərini təqdim edirik:
“Atəşgah Sığorta” – 50 məhkəmə
“Azsığorta” – 35 məhkəmə
“Xalq Sığorta” – 31 məhkəmə
“Bakı Sığorta” – 27 məhkəmə
“Atasığorta” – 17 məhkəmə
“Qala sığorta” – 16 məhkəmə
“Meqa Sığorta” – 13 məhkəmə
“Günay Sığorta” – 7 məhkəmə
“Azərbaycan Sənaye Sığorta” – 2 məhkəmə
“Qala Həyat Sığorta” – 1 məhkəmə
“A-Group” – 1 məhkəmə
“Standard Insurance” – 1 məhkəmə
Roman
