“Vaqner”in rəhbəri Yevgeni Priqojin Nigerdə baş verən hərbi çevrilişi dəstəkləyib.
Tribunainfo.az xarici KİV-ə istinadən xəbər verir ki, o, Nigerdə nizam-intizam yaratmaq üçün qiyamçılara “Vaqner”in xidmətlərini təklif edib.
Priqojin qiyamı Qərb müstəmləkəçiliyindən xilas kimi qələmə verib.
“Nigerdə baş verənlər Niger xalqının öz müstəmləkəçiləri ilə mübarizəsindən başqa bir şey deyil”, – deyə muzdluların lideri bildirib.
Xatırladaq ki, iyulun 27-də Niger hərbçiləri Prezident Məhəmməd Bazumun vəzifəsindən kənarlaşdırıldığını və respublika sərhədlərinin bağlandığını elan edib. Qiyamçılar tərəfindən devrilən M. Bazum xalqın onun prezidentliyinin nailiyyətlərini qoruya biləcəyinə ümid etdiyini bildirib.
