Prezident “Şərəf” və “Şöhrət” ordeni verdi, təqaüd ayırdı (SƏRƏNCAM)

Prezident İlham Əliyev 3 sərəncam imzalayıb.

TİA.AZ xəbər verir ki, dövlət başçısı Azərbaycan mədəniyyətinin inkişafında xidmətlərinə görə Firəngiz Əliağa qızı Əlizadəni “Şərəf” ordeni ilə təltif edib.

Prezident Azərbaycan elminin inkişafında xidmətlərinə görə İbrahim Said oğlu Quliyevə “Şöhrət” ordeni verib.

İlham Əliyev digər bir sərəncamla Azərbaycanın ictimai həyatında səmərəli fəaliyyətinə görə Fatma Hüseyn qızı Səttarovaya Azərbaycan Respublikası Prezidentinin fərdi təqaüdünü ayırıb.