Türk serialları tarixinin əfsanəvi istehsallarından biri olan Kurtlar Vadisi aktyor heyəti və süjeti ilə yüksək qiymətləndirilib. Serialda Necati Şaşmaz serial boyu Polat Alemdar obrazını canlandırıb. Necati Şaşmazdan əvvəl məşhur serialda Polat rolu üçün başqa bir məşhur ada təklif edildiyi iddia edilib.
Tribunainfo.az Haber Global-a istinadən xəbər verir ki, illər sonra ortaya çıxan bir fakt serialın istehsal prosesinin başlanğıcında böyük bir sürprizi üzə çıxardı.
İddialara görə, Polat Alemdar rolu serialın kastinq mərhələsində Cenk Toruna təklif olunub. Lakin məşhur aktyor həmin vaxt hərbi xidmətə getməyə hazırlaşdığı üçün bu təklifi rədd edib.
Cenk Torun “ Kurtlar Vadisi ” serialının kastinq mərhələsində təklif aldığını və bu təklifi qəbul etmədiyini açıqlayıb.
Məşhur aktyor “Kurtlar Vadisi” təklifindən imtina etməsini həyatının ən böyük səhvi və peşmanlığı kimi qiymətləndirib.
Cenk Torun bu prosesi bu sözlərlə izah edib:
“Əsgərliyə getməzdən əvvəl “Kurtlar Vadisi” serialında Polat Alemdar obrazını canlandırmaq təklifi aldım, amma qəbul etmədim.
Ən böyük peşmanlığım həyatımın səhvi deyə biləcəyim bir iş oldu. Olsaydı gözəl olardı.
Fikirləşdim ki, mafiya serialı işləməyəcək. O zaman yaraşıqlı gənc rollara ilişib qalmışdım. Açığı, necə mafiya adamı olacağım məni narahat edirdi”.
