Rusiya Daxili İşlər Nazirliyi polis əməkdaşlarının narkotik alverçisi qadını yaxaladığını bildirib.
Tribunainfo.az NTV-yə istinadən xəbər verir ki, şübhəlinin 170 qram metamfepramonu pişiyinin paltarında gizlətdiyi açıqlanıb.
Narkotik alverində şübhəli bilinən şəxs şəhərətrafı ərazilərin birində cinayət başında yaxalanıb.
Polisin verdiyi açıqlamaya görə, o, şübhə doğurmamaq üçün azyaşlı qızı və körpəsini gəzməyə çıxaran ana kimi davranıb.
Axtarış zamanı polis pişiyin paltarından qeyri-qanuni stimullaşdırıcı maddə olan metamfepramon olduğu üzə çıxan 5 bağlama maddə götürüb.
Qadının kirayə götürdüyü mənzildə rəqəmsal tərəzi, narkotik qablar və daha çox qanunsuz maddələr də daxil olmaqla digər sübutlar tapılıb.
