“Hökumət bütün xarici siyasəti sistemin makro strategiyası və yanaşmaları çərçivəsində irəli aparacaq. Hazırda qonşularımızla münasibətimiz yaxşıdır və görüşlərdə razılıq əldə etmişik”. Tribunainfo.az xəbər verir ki, bu sözləri İran prezidenti Məsud Pezeşkian hökumətin dünənki iclasında deyib.
O bildirib ki, hazırda Avropa ölkələri ilə danışıqlar davam edir. “Lakin İsrail onu pozmağa çalışır”.
İranın prezidenti ABŞ-la münasibətlərə də toxunub. O deyib: “Düşünürəm ki, ABŞ-la istəsək də, istəməsək də, sonda regional və beynəlxalq arenada qarşılaşmalı olacağıq. Ona görə də bu sahəni özümüz idarə etməyimiz daha yaxşıdır”.
