Növbəti ildən respublikanın şəhər və rayonlarında peyvənd işinə nəzarəti gücləndirmək üçün yenilik tətbiq ediləcək.
Növbəti ildən respublikanın şəhər və rayonlarında peyvənd işinə nəzarəti gücləndirmək üçün yenilik tətbiq ediləcək.
TİA.AZ xəbər verir ki, bunu bu gün keçirdikləri mətbuat konfransında Səhiyyə Nazirliyinin Gigiyena və Epidemiologiya Mərkəzinin direktor müavini Afaq Əliyeva deyib.
Onun sözlərinə görə, peyvənd işinə nəzarəti gücləndirmək üçün sağlamlıq kartı sistemi ilə hər bir uşağın peyvənd olunması barədə məlumatı hesabat formasında əldə etmək imkanı yaradılıb.
“Bakı şəhərində sinaqdan keçirilmiş bu proqramın 2017-ci ildən respublikanın digər şəhər və rayonlarında tətbiqi nəzərdə tutulur. 2014-cü ildən peyvəndlər ölkəmizə UNİCEF-in xətti ilə gətirilir. Əksər flakonlar bir dozalı olur. Vaksinlərin etibarlı saxlanması məqsədi ilə “soyuq zəncir” sistemi gücləndirilib. Vaksinlər istehsalçıdan uşağa qədər düzgün qaydada, yəni “soyuq zəncir” sistemi ilə çatdırılır”.
