Ermənistanın Baş naziri Nikol Paşinyan ABŞ paytaxtı Vaşinqtonda diqqətçəkən paylaşım edib.
Musavat.com xəbər verir ki, Paşinyan şəxsi “Facebook” hesabında Müqəddəs Kitabdan sitat yazıb:
“Necə xoşbəxtdir sülh yaradanlar, çünki onlar Allahın övladları adlanacaqlar”. (Matta 5:9)
Paşinyanın bu paylaşımı onun Azərbaycan Prezidenti İlham Əliyevlə ABŞ Prezidenti Donald Trampın vasitəçiliyi ilə keçiriləcək görüşü ərəfəsində paylaşması siyasi məna daşıyır.
Xatırladaq ki, avqustun 8-də Ağ Evdə Ermənistanın Baş naziri Nikol Paşinyan və Azərbaycan Prezidenti İlham Əliyev arasında mühüm görüş baş tutacaq. Bakı vaxtı ilə saat 22:30-da başlayacaq görüşün ardından avqustun 9-da (Bakı vaxtı ilə) üç liderin birgə bəyanatla çıxış etməsi gözlənilir.
