“Qarabağ ermənilərinə peşələrinə uyğun iş veriləcək”.
Tribunainfo.az News.am-a istinadən xəbər verir ki, bunu Ermənistan hökumətinin sentyabrın 28-də keçirilən iclasında respublikanın baş naziri Nikol Paşinyan deyib.
Onun sözlərinə görə, bütün köçkünlər sığınacaqla təmin olunublar. “Bəzilərinin əvvəlcədən təyin olunmuş yerləri var, yaşayış ünvanlarının olduğunu, qohumları tərəfindən verilə biləcəyini deyirlər və ora gedirlər. Amma biz hələ də bu insanlarla əlaqə saxlayırıq ki, sonrakı problemləri həll edək. İndi insanlar bir həftə qohumlarının yanına gedə bilər, bir həftədən sonra orada qalmağın onlara əlverişsiz olduğunu hesab edəcəklər və s. Yaxud ola bilsin ki, insanların qalmağa yeri var, amma eyni zamanda yemək, kommunal xərclərin ödənilməsi və s. Biz onlarla əlaqə saxlayacağıq ki, bu yardım vətəndaşlarımıza çatsın.
Hazırda biz faktiki olaraq qısamüddətli yerləşdirmə problemini həll edirik, növbəti vəzifəmiz ortamüddətli yerləşdirmə proqramını həyata keçirməkdir. Biz əvvəlcədən üç rayonu – Qeqarkunik, Vayots Dzor, Sünik təyin etmişik ki, bu rayonlarda məcburi köçkünlərin orta müddətli yerləşdirilməsi məsələsini həll etmək üçün ailələr və kirayə mənzillər mexanizmi var”, – Paşinyan izah edib.
Nazirlər Kabinetinin rəhbəri onu da bildirib ki, hazırda Ermənistan hökuməti təkcə sığınacaq deyil, həm də qida və kuponların verilməsi məsələsini nəzərdən keçirir.
