Alen Simonyan baş nazirin canlı yayımda uduzmuş müharibəyə görə məsuliyyəti özündən müxalifətin üzərinə atmağa çalışması ilə bağlı ittihamları yersiz hesab edir.
Tribunainfo.az Sputnik Armeniya-ya istinadən xəbər verir ki, Ermənistan parlamentinin spikeri Alen Simonyan baş nazir Nikol Paşinyan 44 günlük müharibənin araşdırılması üzrə komissiyanın iclasında onun şəraiti ilə bağlı sensasion detallar təqdim edəcəyinə söz verib.
O, bu barədə parlamentdə keçirdiyi brifinqdə bildirib.
Simonyan hesab edir ki, Paşinyanın komissiyada canlı çıxışı siyasətçilərə qeyri-bərabər münasibətin təzahürü deyil. O, iddia edir ki, əvvəllər heç kim komissiyada canlı efirdə çıxış etmək istəyini bildirməyib. Siyasətçi hesab edir ki, çoxları sadəcə olaraq canlı yayımdan yayınmağa çalışır.
“Müxalifətin son illər səsləndirdiyi bütün ittihamlarla bağlı efirdə baş nazirə sual vermək imkanı olub, lakin onlar bu fürsətdən istifadə etməyiblər”, – deyə NA spikeri bildirib.
Eyni zamanda o, baş nazirin canlı efirdə çıxış edərək məsuliyyəti müxalifətin üzərinə yıxmağa çalışması ilə bağlı ittihamları yersiz hesab edir. Siyasətçi müxalifəti görüşə gəlməyə və lazımi sualları verməyə çağırıb. Onun sözlərinə görə, müxalifətin deməyə sözü yoxdur.
