Müğənni və aktyor Özcan Denizin ailəsində qalmaqal davam edir. Onun həyat yoldaşı Samar Dadqar, qaynanası Kadriyə Deniz tərəfindən şiddətə məruz qaldığını iddia edib.
Uzun müddətdir anası və qardaşı ilə münasibətləri gərgin olan Özcan Deniz, dünən sosial şəbəkə hesabından paylaşımlarla gündəmə gəlmişdi. Ardınca Samar Dadqar da diqqətçəkən açıqlamalar verib.
Samar Dadqar bildirib ki, hadisə zamanı qaynanası ona dəqiqələrlə təpik zərbələri endirib:
“Mən yerdə ikən anası qarnıma dəqiqələrlə təpik atmağa başladı. O çəhrayı corablarını heç vaxt unutmayacağam. Təpik atarkən Özcan hər an hamamdan çıxa bilər deyə, guya məni qızı vururmuş kimi davranaraq “vurma, yazıqdı, günahdı” deyə qışqırmağa başladı”.
Dadqar, daha sonra yaşananları belə təsvir edib:
“Yurda xanım telefonumu alıb pəncərədən hovuza atmaq istəyəndə, yadına öz maaşımla hələ kreditini ödəmədiyim telefonum düşdü. Ayağa qalxdım, “atma” dedim. Elə o anda kimsə saçımı tutub məni yatağa atdı. Kadriyə xanım idi. Elə həmin an Özcan hamamın qapısını açdı. Başım ortadan yarılmış, kipriklərimdən qan axırdı, anasının əlində isə saçlarım vardı. Divarda güzgü vardı, özümə baxırdım, amma heç bir səs eşitmirdim. Qulağım tamamilə tutulmuşdu. Düşünürdüm ki, indi nə olacaq? Bu nə idi? Necə hiss etməliyəm?”.
Hadisə ilə bağlı qarşı tərəf hələ açıqlama verməyib./Sfera.az/
