“Oskar” mükafatlı fransız rejissor və ssenarist Bertran Bliye 85 yaşında vəfat edib.
Bu barədə “France 24” telekanalı məlumat yayıb.
“Rejissor Parisdəki evində, həyat yoldaşı və uşaqlarının əhatəsində dinc şəkildə dünyasını dəyişib”, – məlumatda deyilir.
Bliye dünyaca məşhur “Vals oynayanlar” (Les valseuses, 1974) və “Burun dəsmallarınızı hazırlayın” (Préparez vos mouchoirs, 1977) filmlərinin müəllifi olub. Sonuncuya görə o “Ən yaxşı xarici film” nominasiyasında “Oskar” alıb.
Bliye karyerası ərzində 24 filmin ssenarisini yazıb və 20-yə yaxın filmə rejissorluq edib.
