Xəbər verdiyimiz kimi, Biz Birlikdəyik komandası 8 Mart Beyəlxaq Qadınlar günündə küçələri süpürən qadınlarla bağlı layihə təşkil etmişdi. 
Xəbər verdiyimiz kimi, Biz Birlikdəyik komandası 8 Mart Beyəlxaq Qadınlar günündə küçələri süpürən qadınlarla bağlı layihə təşkil etmişdi.
Bu gün bu layihə həyata keçiriləcək. Şəhərimizin müxtəlif küçələrində təmizlik işlərini həyata keçirən fədakar qadınlarımızı sevindirmək üçün layihəyə qoşulanların sayı artıb. Belə ki, xeyriyyə kampaniyasına qoşulanlardan biri də “Özsüt” restoranlar şəbəkəsi olub. Restoran ehtiyacı olan xanımlara 20 nəfərlik pulsuz nahar dəvətnaməsi təqdim edib.
American Councils Azerbaijan da komandaya dəstək olub. Təşkilat bu gün 30-40nəfər üçün pulsuz nahar yeməyi təşkil edib.
Səhhətində problemi olan, küçə təmizliyi ilə məğul olan xanımlara saf ürəkli həkimlərimiz də biganə qalmayıb. Belə ki, komandanın daimi dəstəkçilərindən biri olan İnvaziv qastroenteroloq-hepatoloq Dr.Arzu Yusifova xanımlardan tibbi müayinəyə ehtiyacı olanlara ödənişsiz müayinə təklif edib.
Eyni zamanda həkim- uroloq Vasif İsmayılov da 8 Mart Qadınlar Bayramı üçün küçə təmizliyi ilə məşğul olan xanımlarımızı pulsuz müayinə ilə dəstək verəcək.
Bu qədər çətin iş rejimində çalışan, səhər erkəndən işə başlayan qadınlarımızın bir günün xüsusi etməyə çalışan Biz Birlikdəyik komandasına təşəkkür edirik!
İlahə
