Meryem Üzərli aktrisa olana qədər bir çox işlərdə çalışdığını deyib: “Almaniyada mərhumun son səfərinə ən yaxşı vəziyyətdə getməsini istəyirlər. Mən xəstəxanada işləyəndə bir komanda onları bu səyahətə hazırlayırdı. Ölülərə də makiyaj edirdim”.
Tribunainfo.az Hürriyet-ə istinadən xəbər verir ki, “Marie Claire” jurnalının yeni sayının qonağı Məryəm Üzərli olub.
Üzərli aktyorluqdan əvvəl çox iş gördüyünü belə izah edib: “Böyüyəndə fərqli həyatları müşahidə etməkdən həzz aldım və bir gün ən yaxın dostumu yol qəzasında itirdim. Həyatı və ölümü şübhə altına aldığım dövr idi. İnsanların həyatına toxunmaq mənim prioritetim olub. Bir il leykozlu uşaqlar üçün xəstəxanada könüllü oldum. Onlar Almaniyada dünyasını dəyişən insanların ən yaxşı vəziyyətdə son səfərinə getmələrini istəyirlər. Mən xəstəxanada işləyəndə bir komanda onları bu səyahətə hazırlayırdı. Mən də dəfn mərasiminə hazırlaşan mərhumlara makiyaj edirdim. Və mən bunların heç birini “İndi bunu etməliyəm” kimi proqramlaşdırmadım, sadəcə ortaya çıxdılar”.
