Axtarışda olan şəxs ölkədən qaçmaq istəyərkən hava limanında polislər tərəfindən saxlanılıb.
“Qafqazinfo”nun məlumatına görə, polis əməkdaşlarının keçirdikləri tədbirlərlə narkotiklərlə əlaqəli cinayətə görə axtarışda olan 1987-ci il təvəllüdlü Fuad Əsgərov Beynəlxalq Hava Limanı ərazisində xarici ölkələrdən birinə uçmaq istəyən zaman müəyyən edilərək saxlanılıb.
O, istintaqa təhvil verilib. Araşdırmalar aparılır.
***
Polis əməkdaşları hava limanında daha bir şəxsi saxlayıb. Belə ki, İsveçrə Cinayət Məcəlləsinin müvafiq maddəsi ilə beynəlxalq axtarışda olan Moldova vətəndaşı 1987-ci il təvəllüdlü Postolachi Petru Bakı şəhərində hava limanı ərazisində polis əməkdaşları tərəfindən saxlanılıb.
Araşdırmalar aparılması üçün həmin şəxs də aidiyyatı üzrə təhvil verilib.
