Hər gün 30 dəqiqə piyada gəzmək – Sağlamlığa atılan sadə amma təsirli addım
Tribunainfo.az xəbər verir ki,piyada gəzmək – ən asan, pulsuz və hər kəs üçün əlçatan idman növüdür. Nə bahalı trenajor, nə də fitnes abunəliyi tələb olunur. Tək ehtiyac olan – rahat ayaqqabı və bir az motivasiyadır.
Niyə piyada gəzməyə başlamağa dəyər?
Həkimlərin fikrincə, müntəzəm piyada gəzintilər:
ürək və damar sistemini gücləndirir,
artıq çəkidən azad olmağa kömək edir,
əzələləri və oynaqları möhkəmləndirir,
stressi azaldır, əhvalı yaxşılaşdırır,
immuniteti gücləndirir.
Üstəlik, gəzintilər üçün heç nə almağa ehtiyac yoxdur – sadəcə yola çıxmaq kifayətdir.
Piyada gəzməyə necə başlamaq olar?
Yeni başlayanlar üçün: gündəlik 20-30 dəqiqəlik sürətli gəzinti kifayətdir.
Yaşlı insanlar üçün: daha yavaş, amma uzun müddətli gəzintilər tövsiyə olunur.
Ən vacib qayda: nəfəs çatışmazlığı (odyuşka) olmamalıdır.
İnsan addımının orta uzunluğu: 70-100 sm
Normal temp: 1 dəqiqədə 80–120 addım
Sürətli temp (idman effekti üçün): 120+ addım/dəqiqə
Gəzintinin sağlamlığa faydaları
Qan dövranını yaxşılaşdırır, təzyiqi sabit saxlayır
Oynaqları qoruyur, artritin qarşısını alır
Çəkinin tənzimlənməsinə kömək edir
Bağırsaqların fəaliyyətini gücləndirir
Depressiya və narahatlığı azaldır
Gəzintini necə daha effektiv etmək olar?
Pilləkənlə qalxın: lift əvəzinə pilləkəndən istifadə edin.
Dağlıq ərazilər seçin: yüngül yamaclar əlavə yük yaradır.
Temp dəyişin: əvvəlcə sürətli addımla başlayın, yorulanda yavaşlayın, sonra yenidən sürətlənin.
Pulsun hesablanması üçün sadə düstur:
(220 – yaş) × 0.65 = piyada zamanı maksimal nəbz
Məsələn: 40 yaşınız varsa, maksimal nəbz təqribən 117 vurğu/dəq olmalıdır.
Maraqlı fakt
XX əsrin əvvəlində insanlar ömür boyu təxminən 75 min km yol gedirdi.
İndi bu rəqəm 24 min km-ə düşüb.
Bu isə o deməkdir ki, fiziki fəallığımız üç dəfə azalıb.
Nəticə
Piyada gəzmək təkcə sağlamlıq üçün deyil, həm də zehnimizi rahatlatmaq, gün ərzində yığılan stressdən azad olmaq üçün effektiv üsuldur. Hər gün cəmi 30 dəqiqə – və siz artıq həyatınızı dəyişməyə başlamısınız!
İmran Kərimli
