Baş nazir Benyamin Netanyahu israillilərə xitabən “çətin və uzun bir müharibə” olduğunu vurğulayaraq, “Vəzifəmizi yerinə yetirənə və qələbəyə qədər davam edəcəyik” deyib.
Tribunainfo.az CNN-ə istinadən xəbər verir ki, İsrailin baş naziri Benyamin Netanyahu növbəti dəfə atəşkəs çağırışlarını rədd edən bəyanat imzalayıb.
Netanyahu israillilərə “qələbə əldə edənə qədər davam edəcəklərini” bildirib.
Xatırladaq ki, İsrail Müdafiə Qüvvələri (IDF) dünən Qəzza zolağının şimalında həyata keçirilən quru əməliyyatında daha 9 əsgərin həyatını itirdiyini, əməliyyatda şəhid olan əsgər sayının isə 11-ə yüksəldiyini açıqlayıb.
