“Turan Tovuz”un ingiltərəli hücumçusu Natan Oduva “Neftçi” üzərində böyükhesablı qələbəni (4:0) klub prezidenti Oqtay Abdullayevlə birgə qeyd edib.
Nigeriya kökənli legioner Premyer Liqanın 33-cü turu çərçivəsində keçirilən matçdan sonra Abdullayevə yaxınlaşaraq onu qucaqlayıb və yerində atılıb-düşüb.
Bu görüntülər ətrafda dayananların diqqətini çəkib və sosial şəbəkələrdə də böyük marağa səbəb olub.
Kadrlardan görünür ki, Oduvanın hərəkəti Abdullayevin də xoşuna gəlib və gülümsünür.
O.Abdullayev “Neftçi” Veteranlar Şurasının prezidentidir. Təqribən 23-24 il öncə “ağ-qaralar”ın baş məşqçisi və klubun prezidenti olub.
N.Oduva “Neftçi” ilə qarşılaşmada 79 dəqiqə forma geyinib. O, daha sonra yerini Divine Naaha verib.
