Xəbər verdiyimiz kimi, “Neftçi” baş məşqçisi Adrian Mutu ilə yollarını ayırıb.
Artıq paytaxt klubunun yeni çalışdırıcısı müəyyənləşib. Bundan sonra komandaya Miodraq Bojoviç başçılıq edəcək.
Tribunainfo.az yeni baş məşqçinin karyerası barədə məlumatı təqdim edir:
O, 1968-ci il iyunun 22-də Monteneqroda anadan olub. 13 illik futbolçu fəaliyyətindən sonra 2000-ci ildə məşqçiliyə başlayıb. Bojoviç futbolçu olduğu dönəmdə yalnız Yuqoslaviya kubokunu qazana bilib.
16 klubdan yolu keçən Bojoviç indiyə kimi məşqçi karyerasında (20 il) 2 titul qazanıb. “Rostov”la 2013/14 mövsümündə Rusiya kubokunu, “Srvena Zvezda” ilə Serbiya çempionluğunu (2015/16) əldə edib.
Serbiyada, İndoneziyada, Kiprdə, Niderlandda və Yaponiyada legioner həyatı yaşayıb.
O, “Neftçi”yə qədər “Arsenal” komandasına rəhbərlik edib.
