Fransanın Lans şəhərində keçirilən “World Indoor Tour – Lievin” mərhələsində iştirak edən Nazim Babayev 5-ci pilləni tutub.
Tia.az xəbər verir ki, atletimiz üçtəkanla tullanma növündə 16.39 m nəticə göstərib.
Mərhələdə ən yaxşı nəticəni göstərən isə kubalı Lazaro Martinez olub. O, 17.21 m nəticə ilə birinci pilləni tutub. Almaniyalı Max Heb (16.76 m) ikinci, Finlandiyanı təmsil edən Simo Lipsanen isə (16.59 m) üçüncü olub.
