Rusiyalı müxalifət lideri Navalnının ölümü ilə bağlı təhqiqatın Rusiya qanunlarına uyğun aparıldığını bildirən Kremlin sözçüsü Peskov, Putinin onun ölüm xəbərinə necə reaksiya verdiyi sualına “Əlavə edəcəyim bir şey yoxdur” cavabını verib.
Tribunainfo.az NTV-yə istinadən xəbər verir ki, Kreml bu gün verdiyi bəyanatda rusiyalı müxalifət lideri Aleksey Navalnının ölümünə Qərbin reaksiyasını müzakirə edib.
Kreml Qərbin reaksiyasının qəbuledilməz olduğunu, lakin ABŞ və Avropanın bu “iyrənc” bəyanatlarının prezident Vladimir Putinə zərər verməyəcəyini bildirib.
Kremlin sözçüsü Dmitri Peskov bildirib ki, Navalnının ölümü ilə bağlı istintaq Rusiya qanunlarına uyğun olaraq davam edir və aparılır və hələlik heç bir nəticə əldə olunmayıb.
Navalnının cənazəsinin ailəsinə nə vaxt veriləcəyi ilə bağlı suala Peskov “Bu, Kremlin cavab verəcəyi sual deyil” deyə cavab verib.
Dəniz Pənahova
