NASA -nın Ceyms Uebb Kosmik Teleskopu (JWST) atmosferi maraqlı materiallardan hazırlanmış “tüklü” planet aşkar edib.
Tribunainfo.az İndependent-ə istinadən xəbər verir ki, Planetin Yerimizə bənzər su və bulud dövrü var. Lakin buludlar qum və silikatdan ibarətdir.
Bu planetin atmosferinin digər hissələri bizimkinə daha çox bənzəyir və teleskopun kosmosda həyat ola biləcək uzaq planetləri öyrənmək qabiliyyətinə maraqlı bir ipucu verə bilər.
Teleskopla toplanan məlumatlar üzə çıxarıb ki, Qız bürcündə bir ulduzun ətrafında 200 işıq ili uzaqlıqda yerləşən WASP-107b planeti su buxarı, kükürd dioksidi və qum buludlarından ibarət dinamik atmosferə malikdir.
Alimlər bildirirlər ki, bu ekzoplanetdə (Günəş sistemindən kənarda olan planet) Yerə bənzər bulud dövrü olsa da, damcılar su buxarı əvəzinə qumdan ibarətdir.
