Sumqayıt Regional Mədəniyyət və Turizm İdarəsinin Sumqayıt şəhər Nizami Gəncəvi adına Kitabxana Klubunda uşaqların mütaliə maraqlarının artırılması daim diqqət mərkəzində saxlanılır.
Sumqayıt Regional Mədəniyyət və Turizm İdarəsinin Sumqayıt şəhər Nizami Gəncəvi adına Kitabxana Klubunda uşaqların mütaliə maraqlarının artırılması daim diqqət mərkəzində saxlanılır.
İdarənin mətbuat xidmətindən TİA.AZ-a bildirilib ki, Azərbaycan nağıllarının təbliği məqsədilə şəhər “Dostluq” mədəniyyət evinin “Təbəssüm” Uşaq Teatrı kitabxanada “Nağıl qəhrəmanlarının paradı” adlı tədbir təşkil edib.
Kitabxananın əməkdaşları balaca oxuculara tədbirin mahiyyəti haqqında geniş məlumat verib, videoçarx nümayiş olunub.
Daha sonra məşhur nağıl qəhrəmanları olan “Tıq-Tıq xanım”, “Cırtdan”, “Göyçək Fatma”, “Qırmızı papaq”, “Qaraca qız” personajları səhnəyə çıxaraq uşaqları salamlayıb və onların xalq nağıllarımız haqqında fikirlərini öyrəniblər.
Sonda uşaqlar “Balalara hədiyyə” adlı sərgi ilə yaxından tanış olublar.
Nilufər
