Türkiyədə baş verən dəhşətli 6 fevral zəlzələsi ilə bağlı hələ 3 fevral tarixində proqnoz verən hollandiyalı mütəxəssis Frank Hugerbits yeni açıqlamaları ilə dünyanın üzləşə biləcəyi təhlükə haqda xəbərdarlıq edib.
Tribunainfo.az xəbər verir ki, F.Hugerbits bu dəfə də mart ayının ilk həftəsində yer kürəsini yeni seysmik hadisələrin gözlədiyini bildirib. Martın ilk həftəsində dünyanın Merkuri və Saturn planetləri ilə yaxınlaşacağını deyən mütəxəssis qeyd edib ki, bu, böyük zəlzələlərə səbəb olacaq.
Hadisələr martın ilk ongünlüyünü əhatə edəcək:
“Kosmik birləşmə yaşanacaq. Yer kürəsi Merkuri və Saturnla yaxınlaşacaq. Böyük ehtimalla, martın 3-də və ya 4-də böyük bir seysmik hadisə ola bilər. Martın ilk həftəsi kritik dövrdür”.
